Díli, segunda-feira, 07 Jullu 2025 – Escola Técnica Informática de Díli (Eti-Díli) hala’o atividade isar Bandeira Nasionál RDTL hanesan atividade regular kada loron segunda-feira, iha semana dahuluk kada fulan nian, antes de komesa aulas iha oras ho objetivu atu hametin patriotizmu no nasionalizmu ba estudante sira.
Iha serimónia ne’e, Xefe Departamentu Kontabilidade, Sr. Joãozita Maria Dina D. Santos Purwati sai hanesan Inspetora Serimónia ba atividade isar Bandeira hodi fó mensajen motivasaun ba estudante katak estudante hotu-hotu tenki iha disiplina no obidénsia ba regra eskola nian, liu-liu iha aspétu utilizasaun uniforme, hijiene ba mane no feto, kumprimentu ba regras no oráriu ne’ebé estabelese ona iha eskola. Ita hotu tenki hatudu ita nia matenek, talentu no respetu ba eskola ne’e nudar estudante ne’ebé iha maturidade.
Nune’e mós Inspetora Serimónia kontinua hateten ba estudante sira katak jere imi nia tempu ba estudu mak fatór importante tebes, liu-liu pontualidade la’os importante de’it iha eskola, maibé sei determina ita nia susesu iha futuru ba servisu nian. Ita tenki komprende katak pontualidade mak forma ida ba responsabilidade.”
Ikus, Señara Joãozita informa mós kona-ba oráriu ezamne ne’ebé sei realiza iha fulan Jullu 2025 nia laran, nune’e ezame prátika ba segunda períodu sei hala’o husi loron 14 to’o 19 de julho 2025, no ezame teoria sei hala’o husi loron 21 to’o 29 de julho 2025. Nune’e husu ba estudante sira tenki prepara-an ho seriu no dedikasaun atu estuda, tamba ezame mak sei determina imi nia futuru ho susesu. Informa mós ba estudante Klase 120 ano kona-ba, halo orientasaun ba projetu hodi prepara ba Ezame Prova Aptidão Profisionál (PAP) hodi hakbesikan ba orientadór sira no halo konfirmasaun kartaa peskiza no karta orientadór nian iha Komisaun Organizadora PAP nian.
Serimónia Isar Bandeira ne’e iha Responsabiliza husi estudante sira maihusi Departamentu Construção Cívil, no hetan partisipasaun husi Diresaun Eskola, Professores, Estajiárius husi Universidade de Díli (UNDIL) no Universidade Nasionál Timor Lorosa’e (UNTL) no estudante husi klase 110 ano 120ano.
