Díli, Segunda-Feira, 01 Setembru 2025 – Escola Técnica Informática de Díli (ETI-Díli) hala’o atividade isar Bandeira Nasionál RDTL hanesan atividade regular kada loron segunda-feira, iha semana dahuluk kada fulan nian.
Serimónia hasa’e Bandeira RDTL iha ETI DÍLI, Sr. Lino da Costa Inspetór Serbisu Edukasaun Munisipál Dili sau hanesan Inspetór ba Serimónia Isar Bandeira, subliña Pontu importánsia husi serimónia ne’e hodi hametin espíritu nasionalizmu entre estudante sira. Inspetór Lino dehan katak serimónia ne’e la’ós foin primeira vez, maibé sai ona nu’udar kostume ida atu eduka jerasaun foun hodi hadomi no lori nasaun ba oin.
Iha ninia mensajen, Inspetór Lino da Costa fó pontu prinsipál tolu ba estudante no profesór sira hodi garante estabilidade iha edukasaun nasionál. Nia husu ba estudante sira atu:
* Estuda maka’as hodi kompete iha kampu servisu, estuda mak dalan úniku atu prepara aan ba futuru.
* La bele liga arte marsiais ho eskola: Nia dehan katak eskola fatin ba aprende, la’ós ba kazu sira ne’ebé liga ho arte marsiais.
* Respeita Profesór sira, hodi kria ambiente aprendizajen ne’ebé di’ak.
Nia mós fó avizu ba profesór sira katak sira tenke nafatin mantein pontualidade iha oras servisu nian hodi sai ezemplu ba estudante sira. Mensajen husi Inspetór ne’e atu hametin no garante estabilidade edukasaun nasionál iha Timor-Leste.
Serimónia Isar Bandeira ne’e iha Responsabiliza husi estudante sira 11 ano, Departamentu ékniku Hotelaria e Turismu no hetan partisipasaun maximu husi Diresaun Eskola, Professores, Estajiárius no Estudante Husi klase 110 ano 120 ano husi ETI Dili rasik.
